Siglir tar il cuntegn

Header

cuntegn

Svizra Successiun da Burkhalter: Jaqueline de Quattro vul candidar

La giurista da 57 onns vul candidar per la PLD dal chantun Vad per in sez en il Cussegl federal.

Quai ha la cussegliera guvernativa dal chantun Vad communitgà a l'agentura da novitads Svizra. La Partida liberaldemocratica svizra vul nominar uffizialmein ses candidats ils 10 d'avust.

audio
De Quattro candidescha per il Cussegl federal
ord Novitads dals 22.07.2017.
laschar ir. Durada: 55 Secundas.

Jaqueline de Quattro è dapi il 2007 en il cussegl da stadi dal chantun Vad ed è scheffa dal departament da segirtad ed ambient. Dal 1986 fin il 1998 è ella stada en servetsch dal tribunal da giuventetgna, dal tribunal chantunal ed er tar il tribunal federal a Losanna.

Gia enconuschent è Ignazio Cassis vegn a candidar per la PLD dal Tessin sco successur da Didier Burkhalter. La presidenta da la PLD, Petra Gössi, ha dentant ditg che tenor ella saja ina candidatura be cun in singul candidat exclusa.

L’Assamblea federala decida ils 20 da settember tgi che succeda a Didier Burkhalter. Lez sa retira suenter otg onns en uffizi.

RR novitads 14:00

Artitgels legids il pli savens