Siglir tar il cuntegn

Header

cuntegn

Svizra Successiun Burkhalter – or dal center nagin privel per PLD

Las partidas dal center PCD, PBD e Verdliberals n'attatgan betg il sez da la PLD da Didier Burkhalter en il Cussegl federal. Quai rapporta l'Agentura da novitads svizra SDA.

Autras partidas na sajan betg en la posiziun da dubitar la pretensiun da la PLD sin quest sez, ha ditg il president da la PCD, Gerhard Pfister, a l'agentura da novitads SDA. La partida liberaldemocratica haja gudagnà vitiers a las ultimas elecziuns, uschia ha Pfister argumentà sia tenuta.

La PLD tschertga explicitamain ina candidatura ord la Svizra latina. Per blers è il temp madir per in cusseglier federal dal Tessin.

Il minister da l'exteriur Didier Burkhalter aveva annunzià ils 14 da zercladur da vulair sa retrair sco cusseglier federal sin ils 31 d’october. Il Neuchâtelois Burkhalter è dapi il 2009 per il PLD en il Cussegl federal.

RR novitads 06:00

Artitgels legids il pli savens