Set da 10 da las 2'376 classas han terminà la concurrenza cun success e prendan uschia part a la concurrenza. Vul dir els han durant sis mais betg fimà, tratg si u tschiccar tubac ed er betg consumà cigarettas electronicas. Quai communitgescha la cuminanza da lavur per la prevenziun da tubac.
Impurtant da s'occupar cun il tema durant la giuventetgna
Da s'occupar cun la tematica fimar saja central durant il temp da giuventetgna, uschia scriva la cuminanza. La gronda part da las fimadras e dals fimadras cumenzan gia sco minorens cun il consum. Perquai han els lura era pli tard gronda fadia da chalar cun fimar. Uffants e giuvenils èn era fitg sensibilisads per la reclama da tubac.
Experiment betg fimar
La concurrenza «experiment betg fimar» sa drizza mintg'onn a tuttas classas da la 6avla fin la 9avla classa. Per l'onn da scola 2018/19 pon las classas interessadas s'annunziar online davent dal settember.
RR novitads 10:00
