Siglir tar il cuntegn

Header

Navigaziun

Ina televisiun cun il logo da Netflix ed in maun che tegna in telecumond.
Legenda: Netflix è ina purschida per guardar films online. Keystone
cuntegn

Svizra Success internaziunal per film svizzer «Der Kreis»

Il film svizzer da kino «Der Kreis» da Stefan Haupt è vegnì vendì al servetsch da streaming american Netflix. A partir da questa primavaira pon ins vesair il film online en ils Stadis Unids ed en il Canada.

Quai ha annunzià la firma Contrast Film a Turitg che ha producì «Der Kreis».

Il drama documentar davart l'organisaziun omosexuala turitgaisa cun il medem num sco il film «Der Kreis» è gia vegnì mussà a 100 festivals sin l'entir mund ed ha survegnì 13 distincziuns internaziunalas.

«Der Kreis» è in dals emprims films svizzers ch'è vegnì vendì a Netflix. Davart dal pretsch hai sulettamain gì num ch'i sa tractia d'ina summa da 6 cifras.

RR novitads 18:00