Siglir tar il cuntegn

Header

cuntegn

Svizra Studios da fitness – pretschs publitgads na constattan betg adina

21% dals studios da fitness en Svizra na publitgescha betg correctamain ils pretschs da ses servetschs. Quai mussan controllas fatgas dal Secretariat dal stadi per l’economia SECO.

Cunter otg studios da fitness controllads ha il SECO inoltrà ina denunzia penala. Intgins studios na hajan betg inditgà ils pretschs, auters na hajan betg curregì mancanzas reclamadas. Sco il SECO scriva sajan dentant 79% dals centers da fitness transparents ed publitgeschian lur pretschs cler e net.

Dal matg fin l'october ha il SECO controllà 770 studios da fitness en 21 chantuns. La finamira da la campagna saja da procurar per l’attenziun necessaria d’annunziar ils pretschs a moda correcta. Quai per garantir la concurrenza schubra e per proteger ils consuments.

RR novitads 20:00

Artitgels legids il pli savens