Siglir tar il cuntegn

Header

Navigaziun

In studio da radio a Berna.
Legenda: In studio da radio da SRF a Berna. Keystone
cuntegn

Studio da radio Berna SRG po decider davart ils lieus da producziun

Il Cussegl dals chantuns na vul betg reglar ils lieus da producziun da la SRG via la lescha.

Il Cussegl naziunal aveva pretendì cun ina maioritad da dus terz che la SRG produceschia vinavant las emissiuns d’infurmaziun per gronda part a Berna. Gist tschintg moziuns da la PPS, la PS, la PCD, la Verda e la PBD aveva il Cussegl naziunal approvà. Entras la decisiun dal Cussegl dals chantuns èn quellas moziuns uss giud maisa.

Critica da dretg fin sanester

Grondas discussiuns davart ils lieus da producziuns ha chaschunà l'annunzia da la SRG, da vulair spustar ina gronda part dals studios da radio da Berna a Turitg. Ils plans da midada han chaschunà per critica da dretg fin a sanestra.

Gia manà debatta

En il Cussegl dals chantuns han questas moziuns betg chattà sustegniders. Senza opposiziun è il cussegl suandà a la cumissiun per traffic e telecommunicaziun CTT ed ha renvià las tschintg moziuns. Il Cussegl dals chantuns è sa fatschentà cun quest tema gia avant il Cussegl naziunal.

Novs plans

En il fratemp ha la SRG dentant midà lur plans dispitaivels. Cun ina nova strategia d'audios pudessan las redacziuns d'infurmaziun, las emissiuns «Echo der Zeit», «Tagesgespräch» ed era «Rendez-vous» restar vinavant a Berna. Tenor quest plan vegn Radio SRF4 a dischlocar a Turitg.

RR novitads 15:00