Il Cussegl naziunal sa dosta cunter ils plans da la SRG/SSR da midar grondas parts da la partiziun da l'infurmaziun da Berna a Turitg. Il cussegl pretenda che la SSR produceschia las purschidas da radio vinavant per gronda part a Berna.
Cun 120 cunter 54 vuschs tar 10 abstenziuns ha il Cussegl naziunal approvà tschintg moziuns cun medem text da la PPS, PS, PCD, Verda e PBD. Quellas pretendan da cumplettar la lescha da radio e televisiun correspundentamain.
En la Svizra franzosa duai la SSR producir las emissiuns da televisiun surtut a Genevra e quellas da radio a Losanna. Las moziuns van uss en la cumissiun responsabla dal Cussegl dals chantuns.
RR novitads 14:00