Siglir tar il cuntegn
Inhalt

Svizra Studi mussa avantatgs da proceduras d’asil acceleradas

Proceduras d'asil che duran ditg, pegiureschan las schanzas da fugitivs renconuschids da chattar la via sin il martgà da lavur. Quai è il resultat d'in studi fatg da las universitads da Turitg e da Stanford.

Mauns da persunas che sesan vid ina maisa.
Legenda: Ina scena fictiva d'in discurs durant ina procedura d'asil. Keystone

Ils perscrutaders han intercurì 17’000 cas da persunas che han tschertgà asil en Svizra. Tenor il studi sa sbassa la probabilitad da chattar ina plazza per mintga onn temp da spetga per 20%. L’effect negativ dal stuair spetgar na sa lascha tenor ils perscrutaders betg declerar cun auters facturs sco naziunalitad, schlattaina e vegliadetgna. La fermezza da l’effect saja remartgabel.

Era in effect finanzial

Ils auturs han era quintà ora ch’ina reducziun dal temp da spetga per 10% (66 dis) purtass a la Svizra in respargn da passa 5 milliuns francs. I dess numnadamain damain expensas socialas e dapli entradas da taglia.

Suveran ha ditg gea ad acceleraziun

Il zercladur passà aveva il suveran svizzer acceptà ina revisiun da la lescha d'asil, quella duai accelerar las proceduras d'asil. Tenor la lescha duain las proceduras durar en il futur maximalmain 140 dis. Il 2015 duvravi en media 280 dis per serrar giu ina procedura d’asil.

RR novitads 22:00