Siglir tar il cuntegn
Inhalt

Svizra Strusch opposiziun cunter il barat d'infurmaziun automatic

Cun excepziun da la PPS din tut las partidas grondas gea a l'aboliziun dal secret da banca per persunas da l'exteriur.

Ina cofra cun bancnotas svizras.
Legenda: Per mantegnair il secret da banca en Svizra èn anc las partidas PPS e PLD. Keystone

Quai mussa la consultaziun ch’il Cussegl federal ha fatg per 2 midadas en connex cun il barat d’infurmaziun automatic.

Uschia duain las autoritads en l'avegnir sezzas vegnir activas, sch'ellas fruntan sin infurmaziuns che dastgassan interessar auters stadis. Cun tscherts stadis duai era dar il barat d'infurmaziun automatic.

Quai che pertutga il secret da banca en Svizra èn las opiniuns divididas. La PS, la PCD ed ils Verds pretendan er qua il barat d'infurmaziun automatic. La PLD e la PPS vulan ch’il Cussegl federal tegnia vi dal secret da banca en Svizra. E questas partidas pretendan disposiziuns spezialas per Svizzers cun contos en l’exteriur.

RR Novitads 20:00