Siglir tar il cuntegn
cuntegn

Svizra Strusch ina schanza per gieus olimpics a Sion

Per ils plans actuals per gieus olimpics a Sion datti memia pauc sustegn en il parlament.

Ils rintgs olimpics sin in visur cun il logo da Sion 2026 en il chantun.
Legenda: Pauc sustegn per ina olimpiada a Sion. Keystone

Ils plans d’ina olimpiada a Sion il 2026 dal minister da sport Guy Parmelin n’han en lur furma actuala strusch ina schanza en il parlament. In’enquista da la Sonntagszeitung mussa che 43 dad 80 parlamentaris da la Chasa federala din èn cunter ils gieus olimpics. Be 21 dad els èn en favur dals gieus.

Bunamain tut la PS, PPS ed ils Verds èn cunter ils gieus olimpics. Tenor la Sonntagszeitung vegnian ils gieus ad esser bler pli chars che la milliarda francs che la Confederaziun metta a disposiziun. Gia be per la segirezza sajan quels 300 milliuns supplementars budgetads memia pauc. Ultra da quai na quintia il cussegl federal betg las consequenzas fiscalas che sa dettian tras levgiaments ed expensas supplementaras.

RR novitads 06:00