Siglir tar il cuntegn

Header

Navigaziun

Ils terratrembels il 2016 en Svizra.
Legenda: Ils terratrembels il 2016 en Svizra. Keystone
cuntegn

Svizra Strusch donns tras terratrembel

Il terratrembel cun ina fermezza da 4,6 da glindesdi saira en Svizra ha betg fatg gronds donns. Uschia ha quai dà damain che diesch annunzias da donns a l'Assicuranza d'edifizis dal chantun Glaruna.

A l'Assicuranza d'edifizis da la Glaruna èn vegnids annunziads stgarps en paraids, ina lingia d’aua rutta ed in chamin sbalunà, ha ditg Hansueli Leisinger il manader. Tenor las primas stimaziuns sajan quai tut cas da bagatella.

La carta actuala dal servetsch seismologic svizzer.
Legenda: La carta actuala dal servetsch seismologic svizzer. www.seismo.ethz.ch

Passa 20 terratrembels posteriurs

Ils servetschs seismologics svizzers han registrà fin mardi da mezdi passa 20 terratrembels posteriurs. Il pli ferm cun ina fermezza da 2,9 glindesdi saira a las indesch. Era ils proxims dis possia quai vegnir tar terratrembels posteriurs. Che la terra stremblia anc ina giada uschè fitg na saja betg probabel ma possia betg vegnir exclus dal tut, scrivan ils servetschs seismologics svizzers.

RR novitads 14:00