Siglir tar il cuntegn
Inhalt

Svizra Stritgà 80 sgols a Turitg

Pervi da la situaziun da l'aura la dumengia han 80 sgols stuì vegnir stritgads a l'eroport da Turitg.

Naiv e camiun che rumischa naiv sin l'eroport a Düsseldorf.
Legenda: Blera naiv er a l'eroport da Düsseldorf. Keystone

En tut èn radund 40 sgols da partenza e 40 sgols d'arrivada a la plazza aviatica da Turitg vegnids stritgads. Plirs tschient passagiers èn stads pertutgads. Motiv è stà per l'ina la mal'aura a Turitg e per l'autra era la mal'aura sin bleras plazzas aviaticas en il nordvest da l'Europa. Sin ils eroports da Düsseldorf, Amsterdam, Londra e Frankfurt haja dà blera naiv.

En las proximas uras duessi dentant vegnir meglier. La temperatura a Turitg saja ida si sin 6 grads ed uschia plovia empè da naiver.

RR novitads 18:00