Stop da vendita per il Porsche Cayenne

Autos novs dal tip Porsche Cayenne cun motor da diesel da 3 liters na vegnan betg pli lubids en Svizra. Questa mesira ha decis l’uffizi federal per vias en connex cun manipulaziuns da gas cumprovadas.

Autos pli vegls dal tip Porsche Cayenne n’èn betg pertutgads dal scumond.

Legenda da maletgs: Autos pli vegls dal tip Porsche Cayenne n’èn betg pertutgads dal scumond. Keystone

Autos pli vegls da quest tip n’èn betg pertutgads dal scumond da la confederaziun. Els pon era vegnir vendids sco occasiuns.

Autos novs dal tip Porsche Cayenne cun motors da diesel da 3 liters possian pir puspè vegnir lubids en Svizra sch’els correspundian a las prescripziuns.

Pertutgads dal stop en Sviza èn però be 25 autos ch’èn gia vegnids importads, dentant anc betg immatriculads. L’onn passà ha Porsche Svizra vendì 3970 autos, 682 da quels eran dal model Cayenne.

RR novitads 15:00