Stgargiada a Charmey – accident cun chaval scappà

Tar la stgargiada a Charmey en il chantun Friburg èsi vegni tar in accident cun in chaval ch’è galoppà en la massa. Tenor la communicaziun da la polizia sajan èn vegnidas blessadas quatter persunas.

In chaval sut tschiel blau.

Legenda da maletgs: In chaval scappà ferischa visitaders dad ina stgargiada a Charmey (maletg simbolic). Keystone

La Rega e forzas da salvament eran en acziun. Tenor indicaziuns da la polizia dal chantun Friburg haja il chaval sa stratg liber sper in autpledader ed è scappà al galop.

Quatter persunas - en vegliadetgnas tranter 14 e 53 onns, dals chantuns Valais e Genevra - che faschevan fotografias dal til èn vegnidas blessadas. Las persunas n'èn betg en privel da vita, communitgescha la polizia. Tenor la Rega sajan ellas grevamain blessadas.

Ad in'ulteriura persuna èsi reussì da tschiffar e calmar il chaval spaventà.

L’accident è succedi las 11:30 en il center da Charmey nua che tranter 10’000 e 12’000 persunas han visità questa stgargiada.

RR novitads 15:00