Siglir tar il cuntegn

Svizra Stephan Klapproth banduna l'emissiun 'Sternstunde Philosophie'

Quai suenter stgars 2 onns. El veglia sa concentrar en l'avegnir sin agens projects e sin sia activitad sco docent e communicatur independent.

Stephan Klapproth durant in'intervista.
Legenda: Stephan Klapproth banduna l'emissiun 'Sternstunde Philosophie' suenter stgars dus onns. Keystone

L'interpresa communitgescha ch'el restia vinavant a disposiziun da SRF per singuls projects. Stephan Klapproth è stà ditg il moderatur da l'emissiun 10vor10 ed è dapi stgars dus onns stà el team da moderaziun da l'emissiun 'Sternstunde Philosophie'. Là ha el realisà emissiuns cun giasts sco Carla Del Ponte, Joschka Fischer ed il clown Dimitri.

Ses projects futurs

En il futur vegn Klapproth ad esser da vesair sco moderatur d'emissiuns spezialas politicas. La proxima giada en il spezial da notg da l'elecziun dal president dals Stadis Unids. Uschiglio vul Klapproth sa profundar en sia lavur sco docent e sco communicatur independent.

Tgi che daventa ses successur tar l'emissiun 'Sternstunde' vegnia communitgà pli tard.

RR novitads 15:00