Siglir tar il cuntegn

Header

Navigaziun

Purtret dal logo da Stadler.
Legenda: Keystone
cuntegn

Svizra Stadler po producir 60 locomotivas per la Finlanda

Il constructur da trens, Stadler Rail po producir locomotivas en la valita da 200 milliuns euros per VR Group en Finlanda. Els han dà in'incumbensa per 60 novas locomotivas electricas e da diesel. Plinavant datti l'opziun per pudair furnir fin a 100 ulteriuras locomotivas.

Il contract cun la VR Group cuntegnia er l'opziun per mantegnair las locomotivas, hai gì num en la communicaziun. Las emprimas tschintg locomotivas duain charrar a partir dal 2022 sin las rodaglias. Las ulteriuras locomotivas vegnissan furnidas zic a zic fin la fin dal 2025.

Optimar effizienza

La VR Group vul uschia optimar l'effizienza sin staziuns da manevrar, sin terminals da vitgira e sin trajects betg electrifitgads. Quels fan ora en Finlanda 45% da la rait da viafier. Las locomotivas ston plinavant esser construidas per il traffic en la naiv e cun glatsch e tar temperaturas da fin -40°C.

RR novitads 09:00