Siglir tar il cuntegn

Svizra Stadis industrials profiteschan il pli fitg da la globalisaziun

La Svizra profitescha il pli fitg da la globalisaziun. Quai demussa in studi da la fundaziun tudestga Bertelsmann. Sin plaz 2 e 3 suondan il Giapun e la Finlanda. A la cua da la tabella è l'India, sin il segund davos plaz la China.

Persuna che lavura en in fabrica.
Legenda: Grazia a la globalisaziun è il product naziunal brut creschì en Svizra tranter il 1990 ed il 2016 per 1'900 euros per persuna. Keystone

Quai che pertutga la rentabilitad profiteschan ils stadis industrials tenor il studi da la fundaziun tudestga Bertelsmann il pli fitg da la globalisaziun. La prestaziun economica per persuna è dal 1990 fin il 2016 creschida en Svizra, Giapun, Finlanda ed Israel il pli fitg. Grazia a la globalisaziun è il product naziunal brut creschì en Svizra tranter il 1990 ed il 2016 per 1'900 euros per persuna. En l'India mo per 20 euros. Era la China (80 euros) ed il Mexico (120 euros) han be registrà augments sut la media.

Protecziunissem è la faussa via. Globalisaziun sto dentant vegnir realisada uschia che l'uman stat en il center.
Autur: Aart De Geussuprastant fundaziun tudestga Bertelsmann

Il studi sa basa sin cifras dal 2016. El ha cumpareglià 42 pajais industrials e novs pajais industrials.

RR novitads 07:00