La citad da Turitg ed il concern da construcziun Implenia han reglà ina dispita giuridica e quai suenter var 14 onns suenter l'avertura. Concret vai per custs supplementars per la construcziun dal stadion Letzigrund. Las duas partidas sajan sa cunvegnidas davart las proceduras giudizialas pendentas. Quai ha communitgà Implenia.
Il concern da construcziun ha gia resguardà l’enclegientscha en ses quint annual da l’onn passà. I na dettia nagins ulteriurs custs en quest connex.
Turitg po salvar summa da garanzia
La finala gievi anc per la summa da garanzia da 12 milliuns francs. Suenter che la citad ha constatà ils sbalgs da construcziun ha ella retratg quella summa. La firma Implenia ha dentant pretendì enavos la summa. La citad da Turitg po ussa salvar la summa da garanzia.
