Siglir tar il cuntegn

Svizra SRG SSR perda 90 milliuns il 2015

L’onn passà ha la SRG SSR gì damain entradas da reclama pervi dal schoc dal franc. Cun franar las expensas haja ella pudì cumpensar questas perditas, scriva l’interpresa. Tuttina resulta per l’onn 2015 in minus da 90 milliuns francs.

Ina stanza cun blers moniturs tar la SRG SSR.
Legenda: 27 milliuns damain ha la SRG gudagnà perquai ch'ella sto dapi l'onn passà pajar sezza la taglia sin plivalur. Keystone

La SRG SSR a serrà giu ses onn da fatschenta 2015 cun ina perdita da 90 milliuns francs.

Chaschunà quella haja tranter auter ina decisiun dal Tribunal federal, scriva la SRG SSR. Tenor la decisiun sto l’interpresa pajar sezza la taglia sin la plivalur da las taxas da recepziun. Ina segunda raschun per il minus sajan reservas fatgas per la cassa da pensiun.

Vinavant èn las entradas da reclama da la SRG SSR sa reducidas. Cun franar las expensas haja ella pudì cumpensar questas perditas, scriva la SRG SSR.

Per l'onn current quinta la chasa da medias puspè cun in surpli.

RR novitads 16:00