Siglir tar il cuntegn
cuntegn

Svizra SRG SSR - dapli purschida per persunas cun impediments dals senns

Ensemen cun set organisaziuns ha la SRG SSR suttascrit ina cunvegna per augmentar la purschida per persunas cun impediment d’udida e da vesida. Quai ha SRG SSR communitgà.

Tagesschau cun dunna che mussa la lingua da segns.
Legenda: Emissiuns cun lingua da segns duai dar pli savens tar la SRG SSR. Keystone

Quella cunvegna reglescha tge emissiuns e contribuziuns che duain avair suttitels, tgeninas che duain survegnir ina descripziun auditiva u duain vegnir translatadas en lingua da segns. La finamira da la SRG SSR è che 80% da las emissiuns han suttitels enfin l’onn 2022. Er en la sparta da l’audio-descripziun less la SRG SSR augmentar lur purschida. Cunzunt tar films duai quai dar in commentari che descriva tge che schabegia.

La cunvegna vala dal 2018 al 2022. Ils custs vegnan a s’augmentar dad actualmain 9,5 milliuns francs sin 17 milliuns francs l’onn 2022.

RR novitads 17:00