Siglir tar il cuntegn
Inhalt

Svizra SRG duai reducir purschida

Ils purschiders da radio e televisiun privats vulan che la SRG reducescha sia offerta da programs. Quai tenor ina retschertga da l'uffizi federal da communicaziun.

Ils emetturs da l'SRG SSR duain mussar pli pauc sport.
Legenda: Ils emetturs da l'SRG SSR duain mussar pli pauc sport. Keystone

Resultats d'ina enquista tar emetturs privats

Vitiers duai l'emettur da radio Swiss Pop vegnir tschentà giu tant pli spert ed er ils schurnals regiunals dal radio public na dovri betg. Quai resulta d'in'enquista che l'uffizi federal da communicaziun ha fatg tar ils purschiders da televisiun privats svizzers.

Cun lur purschida dal magazin da sport saja la SRG ina concurrenza directa. E quai possia e muntar ina perdita d'entradas da sponsoring. Ils privats vulan era mussar dapli serias, shows da gieu sco era emissiun da consum e da musica. La SRG stuess be laschar els.

Sco quai che la gasetta NZZ am Sonntag rapporta pretendan ils emetturs privats che l'SRG duai reducir sia offerta per ch'ils privats possian sa sviluppar meglier.

RR actualitad 10:00