Siglir tar il cuntegn

Header

cuntegn

Spustar operaziuns Ospital universitar da Losanna è al limit

L’ospital universitar da Losanna (CHUV) è al limit: Pervi dals pazients da corona saja l’ospital occupà dal tuttafatg. La situaziun saja alarmanta. Quai ha ditg il directur da l’ospital universitar a la gasetta «24 Heures».

En pli na possian parts dal persunal da tgira betg pli vegnir a lavurar, perquai ch’els sajan u cumplettamain surlavurads u perquai ch’els sajan er infectads cun il coronavirus. Gia dapi plirs dis vegnian pazients transferids en auters ospitals da la Svizra franzosa. Transferir pazients en ospitals da la Svizra tudestga na saja betg pussaivel, di il directur vinavant. Perquai che quels sajan gia cumplettamain «inundads».

Dapi l’entschatta da l’emna stoppian operaziuns betg urgentas vegnir spustadas.

RTR novitads 11:00

Artitgels legids il pli savens