Siglir tar il cuntegn

Header

Navigaziun

Ina mattatscha fa ils pensums da chasa sin in tablet.
Legenda: Ina mattatscha fa ils pensums da chasa sin in tablet. Keystone
cuntegn

Svizra Sponsoring en scolas – quai basegna reglas

Telefonins gratuits, latg sponsurà ni er material da scola regalà: Adina dapli associaziuns ni era interpresas fan reclama en scola. L’Uniun svizra dals magisters pretenda uss reglas ed ha preschentà in manual pussaivel.

Uffants na duain betg vegnir influenzads da firmas u d’associaziuns ed survegnir reclama en scola, quai pretenda l'Uniun svizra dals magisters en ina decleraziun davart il tema «sponsoring en las scolas».

La protecziun da las datas sto esser garantida

Gia oz distribueschian firmas products gratuits u pajan schizunt material da scola. Quai saja surtut privlus sche las interpresas survegnan sco cuntramesira datas persunalas dals scolars. In privel vegn ad esser sche la dependenza dals sponsurs crescha entras quai che las scolas ston spargnar, scriva l’Uniun da magisters svizra. Ma betg tut las purschidas sponsuradas sajan problematicas, quai dettia era buns ed innovativs projects da scola, scriva l’uniun.

Ils chantuns stoppian uss sviluppar communablamain directivas co in sponsoring pudess vesair ora en las scolas.

RR novitads 16:00