Siglir tar il cuntegn

Header

cuntegn

Svizra Spiunascha a Genevra

Plirs discurs en in hotel da luxus a Genevra che tractavan la cunvegna d’atom cun l’Iran èn para vegnids spiunads ora. La procura publica federala ha avert ina procedura penala pervi da suspect da spiunadi politic, quai ha ditg in pledader da la procura publica federala envers il radio SRF.

Ils 12 da matg aveva la procura publica intercuri il hotel e confiscà datas. Para eran tut ils computers e telefons, ils ascensurs e ils cundrez d’alarm dal hotel controllads cun minispiuns. Tgi che ha spiunà ora ils discurs è anc nunenconuschent. La procura publica federala ha avert ina procedura penala cunter nunenconuschent. Prendì part als discurs avevan represchentants dals Stadis Unids, la Gronda Britannia, la Frantscha, la China, la Russia e la Germania.

Kapersky avertescha d'in virus

L'interpresa russa Kapersky, che cumbatta virus ed autras attatgas sin computers, avertescha en il connex cun la spiunascha a Genevra, d'ina largia en l'atgna rait. Ella haja scuvert avant curt in successur dal verm da computer Stuxnet en ses agen sistem. Hackers nunenconuschents hajan spiunà ora l'interpresa durant plirs mais. Sch'i dat in connex tranter las investigaziuns da la procura publica federala n'è anc betg cler, dentant probabel.

RR novitads 12:00

Artitgels legids il pli savens