Tiers programs da spargn ha la chasa da medias da l'Argovia AZ Medien dumbrà in minus da 78% tar il resultat da manaschi ed dumbrà a la finala uschia ina svieuta da 219 milliuns francs – 1,6 milliuns pli pauc che l'onn precedent.
Dasper la reducziun structurala tar l'affar da gasetta, saja cunzunt la midada da la gasetta «Schweiz am Sonntag» a la gasetta «Schweiz am Wochenende» responsabla per il svilup negativ.
Reducziun da persunal e grondas investiziuns
Plinavant ha la chasa da medias reducì il dumber da persunal per 32 plazzas – sin 811 plazzas cumplainas.
Ed AZ Medien ha er fatg grondas investiziuns il 2017: 20,7 milliuns francs ha la chasa da medias investì. Quai èn 8,5 milliuns francs dapli che l'onn avant. La raschun per las grondas investiziuns saja l'acquist dad impurtantas licenzas per radio e televisiun. La chasa da medias ha per exempel surpiglià l'emettur S1 e lantschà l'emettur Virgin Radio Switzerland.
RR novitads 12:00