Siglir tar il cuntegn
Inhalt

Svizra Spediziun da brevs vegn pli chara

La posta vul auzar il porto per brevs, quai ha il president dal cussegl d'administraziun da la posta, Urs Schwaller ditg al Blick.

Um che bitta en ina brev.
Legenda: La posta svizra vu dapli porto per trametter brevs. Keystone

Tenor il president dal cussegl d'administraziun da la posta Urs Schwaller vegn la spediziun da brevs pli chara. Quant pli char ch'i duai vegnir da trametter ina brev n'ha Schwaller betg ditg. I vegnia vinavant a dar brevs da posta A e B. Il pretsch per trametter ina brev cun A saja ozendi entant memia bass.

L’augment vegn ad esser moderà.
Autur: Urs Schwallerpresident dal cussegl d'administraziun da la posta

Servetschs en in'autra furma

Urs Schwaller, president dal cussegl d'administraziun da la posta.
Legenda: Urs Schwaller, president dal cussegl d'administraziun da la posta. Keystone

Plinavant ha el defendì la serrada d'ulteriurs uffizis postals sco era la transfurmaziun en agenturas. Ins na possia betg retegnair il process da la transfurmaziun, ha el ditg. Ils servetschs d'access vegnan augmentads fin l'onn 2020 dad oz 3'800 sin 4'200. Dentant vegn il dumber d'uffizis postals reducì sin tranter 800 e 900 uffizis postals. Dentant empermetta la Posta da betg serrar uffizis postals senza cumpensaziun.

RR novitads 06:00