Siglir tar il cuntegn
Inhalt

Svizra Spediziun a viafier e NEAT enstagl da 2. tunnel al Gottard

Construir in segund tunnel al Gotthard è memia char ed ostil envers l'ambient. Da questa persvasiun è il comité «Burgais cunter in segund tunnel». Alternativas fissan spediziun per viafier u spustar la sanaziun e nizzegiar las capacitads da la NEAT.

tut las persunas vi dal pult tar la conferenza medias
Legenda: Da san: Stefan Gisler, Konrad Graber (cusseglier dals chantuns PCD/LU), Isabelle Chevalley (cussegliera naziunala PVL/VD), Sinue Bernasconi (PLD giuvna/TI), Hans-Peter Fricker (PLD/ZH), Oskar Stalder e Stefan Krebser (RailValley) dal comité. Keystone

Il tunnel da via dal Gottard possia vegnir duvrà per almain 2 decennis senza stuair serrar el in soli sulet di dal tut, ha ditg Stefan Krebser (president Railvalley) a la conferenza da medias a Berna. Là hani era preschentà lur propostas:

  • Dad in nov rapport da l'Uffizi federal per vias ASTRA concluda il comité ch'il plafond dal tunnel è tuttina en in meglier stan che spetgà. Perquai la proposta da spustar la sanaziun totala dal tunnel e nizzegiar la NEAT.
  • L'alternativa fiss da metter il traffic sin ils binaris cun ina staziun a Göschenen ed in'autra ad Airolo. Ils camiuns duain ir sur l'uschènumnada «via rullonta».

Il comité quinta da pudair spargnar uschia radund 2 milliardas francs.

Ils 28 da favrer votescha il pievel svizzer davart in segund tunnel da via al Gottard. Igl è la terza giada ch'il suveran po decider direct u indirect davart quest tema. Fin ussa ha el ditg na.

RR novitads 18:00