Fin l'onn 2020 duain las mesiras d'effizenza d'energia purtar ina reducziun d'electricitad da 123 uras gigawatt, quai correspunda al consum d'electricitad da radund 30'000 chasadas, uschia han represchentants da l'SBB declerà ad Olten. Il concern possia uschia spargnar custs da 15,4 milliardas francs.
Stgaudament va tenor urari
Las mesiras energeticas cumpiglian 23 puncts. Tranter auter vegnan ils vagguns mess en in stadi da cupid uschespert ch'il tren stat e las chazzolas èn stidadas. La temperatura vegn sbassada sin 10 fin 12 grads. Pir avant ch'il tren vegn en acziun vegn la temperatura puspè augmentada.
RR novitads 15:00
