Siglir tar il cuntegn

Header

Navigaziun

L'ovra nucleara Leibstadt en il chantun Argovia. A dretga la tur da sfradentar il svapur d'aua da l'implant.
Legenda: L'ovra nucleara Leibstadt en il chantun Argovia. A dretga la tur da sfradentar il svapur d'aua da l'implant. Keystone
cuntegn

Svizra Sortida d'energia nucleara survegn dapli sustegn

La schanza che l'iniziativa dals Verds per sortir da l'energia nucleara vegn acceptada crescha. Tenor la terza retschertga online dal concern da medias Tamedia è la cumpart dals simpatisants perfin vegnida pli gronda cumpareglià cun las retschertgas fatgas avant.

L'october avevan 55% dals dumandads ditg gea u plitost gea per sortir da l'energia nucleara, uss èn quai 57%. Percunter vulan 42% uss segiramain u plitost refusar l'iniziativa. Be 1% dals dumandads n’èn anc betg sa decis.

PPS e PLS cunter – ulteriurs persuenter

La pli ferm’opposiziun è tenor l’enquista da chattar aifer la PPS. 70% dals aderents da la partida èn cunter l’iniziativa. Tar la PLD èn quai 64%. La maioritad da tuttas ulteriuras partidas pleda per ina sortida da l’energia nucleara: PCD 53%, PBD 55% e mintgamai sur 80% tar PVL, PS e Verds.

La retschertga da Tamedia sa basa sin var 15’000 respostas or da l'entira Svizra dadas online.

RR novitads 06:00