Siglir tar il cuntegn
Inhalt

Svizra Sora Gielia Degonda survegn premi da renconuschientscha

L'artista grischuna Gielia Degonda survegn il premi da renconuschientscha da la cultura dal chantun Sviz ch’è dotà cun 10'000 francs. Uschia undrescha la regenza l'activitad d'instrucziun e l'ovra da vita artistica da la mungia da 78 onns che viva en la claustra d'Ingenbohl.

La graficra, pictura e scolasta da dissegn è represchentada en la collecziun d’art chantunala da Sviz cun 14 ovras – uschè bleras sco strusch insatgi. Las ovras da l'artista s'avischinian da davosas vardads e dimensiuns spiritualas, senza sulettamain esser art religiusa, scriva l'Uffizi per la cultura dal chantun Sviz.

Sora Gielia Degonda è naschida a Cumpadials. Sias ovras èn vegnidas preschentadas pliras gidadas ad exposiziuns en la Svizra Centrala, ma er a Turitg, en il Grischun ed en Germania. Il 2007 ha ella survegnì il premi da renconuschientscha dal chantun Grischun.

RR novitads 15:00