Sophie Hunger gudogna il premi da musica svizzer 2016

La chantadura svizra Sophie Hunger survegn il premi «Grand Prix Music» da l’2016. La dunna da 33 onns gudogna quest premi cunter 14 ulteriuras musicistas e musicists nominads.

Sophie Hunger gudogna il «Grad Prix Music» 2016.

Legenda da maletgs: Sophie Hunger gudogna il «Grad Prix Music» 2016. Getty Images

Il «Grand Prix Music» vegn quest onn surdà er la terza giada. Il premi è dotà cun 100’000 francs. Tut las musicistas ed ils musicists nominads survegnan mintgamai in premi da 25’000 francs.

Victoria meritada

Sophie Hunger ha gia cun 23 onns producì ses prim portatuns. E quest album ha la dunna edì sut atgna reschia. Tuttina è «Sketches on Sea» stà in success. Ed uss 10 onns pli tard e 5 albums pli tard mussa la dunna ch’ella è ina chantadura passiunada ed ina artista che po fascinar il public.

RR novitads 23:00