Siglir tar il cuntegn
cuntegn

Svizra Sonova surpiglia AudioNova

Il constructur d'apparats d'udida svizzer Sonova surpiglia la firma ollandaisa AudioNova International. La valur dad AudioNova vegn stimada cun 913 milliuns francs. Sco Sonova communitgescha veglia ins pajar cun ina maschaida tranter daner blut e capital ester.

logo da la firma Sonova
Legenda: Gia il favrer hai dà famas che Sonova pudess surpigliar AudioNova, ussa èsi realitad. Keystone

AudioNova è tenor communicaziun la pli gronda interpresa da commerzi en detagl en la sparta «acustica d'udida» en l'Europa e maina 1300 fatschentas dal fatg en 8 pajais. Quest onn quinta AudioNova cun ina svieuta da 360 milliuns francs.

Sonova quinta che la transacziun prestia davent l'onn da fatschenta 2017/2018 ina contribuziun positiva al gudogn da l'aczia.

RR novitads 08:00