Il pli grond producent d'apparats d'udida Sonova planisescha da transferir ina part da la producziun en la Gronda Britannia e la China. Da questa mesira sajan pertutgadas 100 plazzas en Svizra, communitgescha il concern svizzer.
Cun quest pass veglian ins sbassar ils custs da producziun e meglierar la capacitad da concurrer. Sonova ha plinavant fatg a savair ch'ins veglia rinforzar la posiziun sin il martgà en Germania. Il concern surpiglia perquai l'interpresa da famiglia Hansaton Akustik GmbH.