Siglir tar il cuntegn

Svizra Sommaruga: «Igl è prudent da segirar meglier il spazi Schengen»

La presidenta da la Confederaziun, Simonetta Sommaruga è dal maini ch'i saja prudent da segirar meglier il cunfin extern da la regiun da Schengen.

La presidenta da la Confederaziun, Simonetta Sommaruga.
Legenda: La presidenta da la Confederaziun, Simonetta Sommaruga. Reuters

I valia d'analisar co ins pudessi far quai il meglier, ha Sommaruga ditg a Brüssel, nua ch'ils ministers da l'intern e da giustia da l'UE s'inscuntran. Ils instruments sajan avant maun, ussa stoppian ins mo nizzegiar els ed examinar sch'i dovria anc dapli. Avant avevan ils ministers da l'UE pretendì controllas sistematicas als cunfins externs da la regiun da Schengen.

RR novitads 11:00