Siglir tar il cuntegn

Svizra Sommaruga crititgescha la dispensa da dar il maun

La scola secundara da Therwil (BL) ha dispensà dus scolars muslims, da dar il maun a lur magistra da classa. Ussa prenda posiziun la ministra da giustia federala, Simonetta Sommaruga. Per ella èsi cler che dar il maun saja part da nossa cultura, ina dispensa da far quai na possia betg dar.

Legende: Video Simonetta Sommaruga: «Der Fall ist klar» abspielen. Laufzeit 0:39 Minuten.
Dals 04.04.2016.

Ils dus scolars muslima n'han betg pli vulì dar il maun a lur scolasta da classa. La direcziun da la scola ha dà suenter e dispensà els da dar il maun la fin e l'entschatta da l'instrucziun. La dispensa vegn entant discutada a moda cuntraversa en l'entira Svizra.

Simonetta Sommaruga ha ditg ch'ella s'imaginia auter l'integraziun. Er sut il titel da la libertad da religiun na possians betg acceptar quai, ha ditg Sommaruga envers la televisiun svizra. I saja far cler absolutamain che dar il maun tutgia tar nus ed i na possia betg dar enzennas da dumonda en quest reguard.

Rectur sa giustifitgescha

Avant è la direcziun da la scola secundara da Therwil s'exprimì publicamain. Il rectur Jürg Lauener stat davos la regla extraordinaria per ils dus scolars muslims. Ins n'haja betg mo dà suenter, mabain fatg in cumpromiss. Els sajan sa cunvegnids ch'ils scolars na dettian era betg il maun als magisters masculins. Uschia saja la dumonda da discriminaziun per els schliada, uschia Lauener envers SRF.

RR novitads 20:00