Siglir tar il cuntegn

Header

cuntegn

Svizra Soloturn: Verds gudognan l'emprima giada in sez en regenza

Cun Birgit Wyss è quai gartegià l'emprima giada ad els. Quai sin donn e cust da la PLD che perda suenter 65 onns ses segund sez en la regenza che consista da 5 commembers. La PS ha defendì cun lur candidata Susanne Schaffner ses sez.

Schebain che la PLD perda in sez en la regenza, partan els anc adina la maioritad en la regenza chantunala da Soloturn cun la PCD. Cun ina participaziun a las elecziuns da 30,65% ha Susanne Schaffner da la PS cuntanschì il meglier resultat cun 30'747 vuschs. Cun quai han els pudì mantegnair il sez da Peter Gomm che sa retira.

Ils Verds han l'emprima giada pudì cuntanscher in sez en la regenza. La giurista Birgit Wyss ha survegnì 30'304 vuschs. Avant quatter onns n'aveva l'anteriura cussegliera naziunala betg cuntanschì avunda vuschs. Ils Verds han en il chantun Soloturn ina quota d'electurs da radund 7%.

Suenter 65 onns perda la PLD ses segund sez

La cussegliera dals chantuns Marianne Meister ha pers il sez da la PLD. Gia en l'emprim scrutini ha ella gì pli paucas vuschs che sias collegas da la PS e dals Verds. Cun 25'759 vuschs ha ella lura pers cunter sia concurrenta Birgit Wyss. Cun 4'500 vuschs pli pauc che lezza.

RR novitads 14:00

Artitgels legids il pli savens