«Solar Impulse 2» sto interrumper sgol

L'aviun solar svizzer «Solar Impulse 2» sto atterrar intermediarmain en il Giapun. Las prognosas da l'aura sajan sa pegiuradas, uschia ch'ins haja decis da sa tschentar a Nagoya per spetgar sin meglras cundiziuns, communitgescha il team da Solar Impulse via Twitter.

L'aviun Solar impuls sin ina plazza aviatica.

Legenda da maletgs: Pervia da l'aura ha Solar Impulse 2 stuì atterrar intermediarmain en il Giapun. Keystone

Il pilot Andre Borschberg era partì la sonda da la citat en l’ost da la China Nanjing ed avess gì da cuntanscher Hawai aifer 5 dis. Per il sgol da 8172 kilometers sur il Pacific eran oriundamain 6 dis planisads.

RR novitads 10:00