Pervi da mal'aura stoppia il sgol danovamain vegnir spustà . Il privel per il pilot fissia memia grond, sco ils organisaturs dal project communitgeschan. In nov termin per il sgol n'è anc betg enconuschent.
La pli privlusa etappa
Cun ses passa 8'100 kilometers vala questa etappa, che maina da Nanjing en la China sur il Pacific fin a Hawai, sco la pli privlusa da l'entir project.
En tut èn planisadas 25 etappas per sgular ina giada enturn il mund sulet cun la forza dal sulegl.
RR novitads 17:00