Siglir tar il cuntegn

Header

President da la SNB: Thomas Jordan.
Legenda: Na mida nagut il mument: Il president da la Banca naziunala Thomas Jordan. Keystone
cuntegn

Svizra SNB: Politica monetara resta tuttina

La Banca naziunala svizra lascha il tschains tar -0,75%. Quai malgrà tschains pli bass entaifer l'Uniun europeica.

La Banca naziunala svizra sa tegna sco spetgà vid sia politica monetara da fin qua. Bancas che deponan daners tar la Banca naziunala ston vinavant pajar in tschains da 0,75%.

Tenor la SNB è il franc svizzer anc adina survalità. Il tschains negativ duaja far il franc damain attractiv sco investiziun.

Vulan bancas cumprar francs dad autras bancas ston quellas er en l'avegnir pajar tuttina bler. Il Libor da 3 mais resta tranter -1,25 e -0,25%.

L'emna passada aveva la Banca centrala europeica bain decis da sbassar il tschains directiv. Cunquai ch'il squitsch sin il franc n'è però betg vegnì pli ferm quintavan ils experts che la Banca naziunala sa tegnia vid ses curs.

RR novitads 12:00