La gronda part dals cas saja persunas che veglian sulet purtar lur malcuntentientscha, ha ina pledadra dal fedpol ditg a la «Sonntagszeitung». Problematic sajan cas nua ch’ina persunas smanatscha adina puspè ed il tun vegnia adina pli serius.
L’onn passà aveva la polizia federala anc registrà radund 1'691 smanatschas sumegliantas. La differenza sa lascha declerar cun las metodas differentas da registraziun. Sch'ina persuna smanatschia il medem di pliras giadas, valia quai da nov be sco in cas. Sch'ins cumpareglia las medemas metodas, sajan las cifras sumegliantas.
Sur tut pervi dal tema dals fugitivs e la politica d'Europa haja dà ils ultims onns bleras smanatschas. Adina enturn votaziuns ed elecziuns s'augmentia il dumber da smanatschas.
RR novitads 15:00