Siglir tar il cuntegn

Header

Navigaziun

Aviun da la Swiss
Legenda: Ina A330 da la Swiss a l'eroport da Turitg. Keystone
cuntegn

Svizra Smanatscha da bumba a l’eroport da Turitg

Durant il temp da mezdi hai dà a l’eroport da Turitg ina smanatscha da bumba. Ina pista da partenza è vegnida serrada.

A l'eroport da Turitg ha in aviun da la Swiss stuì vegnir evacuà da mezdi pervi dad ina smanatscha da bumba. Quai ha confermà in pledader da l'eroport envers SRF.

Passagiers e persunal han stuì bandunar l'aviun

La maschina LX 146 avess gì da partir a las 12.45 direcziun Delhi. Ils passagiers ed il persunal da bord hajan stuì bandunar l'aviun curt avant la partenza. La polizia chantunala da Turitg saja al lieu, uschia il pledader vinavant.

La pista 16 saja vegnida serrada ad interim. Ulteriurs detagls n'ha la polizia dentant betg vulì communitgar.

RR novitads a las 15:00