Siglir tar il cuntegn
cuntegn

Svizra Smanatscha d’attatga da cyber pervia da canera d’in plazzal

La citad da Losanna ha survegnì ina smanatscha d'ina attatga da cyber en connex cun canera d'in plazzal. Ina gruppa che sa numna «Anonymus Svizra» smanatscha da metter ord funcziun il sistem d'informatica da Losanna.

Ina persuna è vi d'in computer.
Legenda: L'attatga da cyber sin la citad da Losanna è planisada ils 25 da fanadur. Keystone

Sche la citad na prenda betg dapli resguard sin ils abitants d'ina chasa auta mulestads da canera, succedia questa attatga da cyber ils 25 da fanadur.

La gruppa ha chargià in tal video en las raits socialas da l'internet. La citad prendia serius la smanatscha ed haja purtà plant, han las autoritads da Losanna communitgà.

RR novitads 18:00