Skyguide ha laschà sgular F/A-18 memia bass

Tar la crudada da l'aviun militar F/A-18 avant in'emna ha la controlla aviatica fatg sgular l'aviun pli bass che prescrit. Quai tenor ils emprims resultats da las investigaziuns davart la crudada dals 29 d'avust nua ch'il pilot è mort.

Tac nair sin muntogna

Legenda da maletgs: Pertge che Skyguide ha laschà sgular il pilot sut l'autezza minimala n'è anc betg cler. Keystone

Tenor ils emprims resultats da las investigaziuns ha la controlla aviatica Skyguide a Meiringen dà liber al pilot da sgular sin 3'050 meters (10'000 pes). Prescrit fiss però l'autezza minimala da 4'360 meters (14'300 pes).Il motiv pertge che Skyguide ha fatg quai, ubain sche quai saja la raschun per l'accident, na saja betg cler - e saja anc part da las investigaziuns, communitgescha la giustia militara.

L'aviun era suenter sgulà en il grip al Hinter Tierberg en l'autezza da radund 3'300 meters - il pilot è mort.

Reacziun da la Skyguide

Entant ha er Skyguide piglià posiziun. Els stettiam immens mal che acziuns da la surveglianza da sgol hajan contribuì a la disgrazia en la regiun dal Susten, uschia scriva Skyguide. Els sustegnan las inquisiziuns da la giustia militara ed han er instradà in'inquisiziun interna.

RR novitads 16:00