Siglir tar il cuntegn

Svizra Situaziun stabila suenter virus da computer «WannaCry»

Enfin ussa n'è la Svizra betg pertutgada uschè ferm da l'attatga da hackers cun num «WannaCry». Var 200 computers infectads sajan vegnids registrads, ha ditg il schef da la Centrala federala d’annunzia e d’analisa per la segirezza e l’infurmaziun – Melani.

Purtret d'in computer e mauns che scrivan sin la tastatura.
Legenda: L'attatga da cyber ha pertutgà computers sin l'entir mund. Keystone

Era en il rest da l’Europa saja la situaziun stabila. Quai ha ditg in represchentant da l’autoritad da polizia Europol. Il dumber dals computers infectads n’è para betg creschì. Hackers avevan derasà ina software en tut il mund che blochescha sistems da computer. Passa 200’000 computers en 150 pajais èn stads pertutgads da l’attatga da hackers da la fin d’emna.

RR novitads 14:00