La rata da positivitad na duai en l’avegnir betg pli esser ina da las valurs, ch’il Cussegl federal dovra per decider, sch’el vul schluccar u render anc pli severas las mesiras da corona. L’Uffizi federal da sanadad ha confermà in rapport dal «SonntagsBlick» sin dumonda da l’agentura da novitads Keystone-SDA.
La raschun: cun ils novs tests da massa e quels ch’ins po far sez, vegnan annunziads be anc ils cas positivs. E quai sfalsifitgescha la rata da positivitad. La rata da positivitad di quants dals tests ch’ins ha fatg en total ch'èn positivs.