Siglir tar il cuntegn

Header

cuntegn

Svizra Sistem d'asil da l'UE duai vegnir transfurmà

La cumissiun da l’UE vul reagir sin la crisa da fugitivs, numnadamain cun transfurmar il sistem d’asil europeic. Uschia duain pajais che prendan si blers fugitivs vegnir levgiads pli fitg. Perencunter duain stadis che sa dostan cunter ina repartiziun pajar 250’000 euros – per mintga fugitiv.

La cumissiun da l'Uniun europeica metta sin maisa ina nova proposta, co che fugitivs duain vegnir repartids sin ils stadis da l'UE en l’avegnir.

Prender si u pajar

Per mintga pajais vegn fixà ina cumpart da per tschient proporziunal tar il dumber da la populaziun e la fermezza economica.

In pajais che dat suttetg a 50% dapli fugitivs che quai ch'el stuess po dar giu quels ad in auter. Sa dosta in pajas da prender si fugitivs, lura sto quel pajar 250’000 euros per persuna.

Sistem vertent vala vinavant en emprima lingia

Gia il 2015 vuleva l'UE reparter fugitivs per distgargiar l'Italia e la Grezia. Plirs stadis da l'ost sco la Tschechia avevan però refusà quai.

La regla da basa dal sistem da Dublin duai però er valair vinavant. Quella regla dictescha che quest stadi è responsabel per in fugitiv, nua che lez entra l’emprima giada en l’Uniun europeica.

RR novitads 16:00

Artitgels legids il pli savens