Siglir tar il cuntegn

Svizra «Sion 2026» – Cussegl federal refusa votaziun dal pievel

Il Cussegl federal refusa da far ina votaziun dal pievel per manar tras gieus olimpics il 2026 a Sion en il Vallais. Ord vista dal Cussegl federal manca il temp per ina votaziun a l’urna.

Sion 2026.
Legenda: Tenor il Cussegl federal manca il temp per ina votaziun a l’urna «Sion 2026». Keystone

Curt e concis

  • Il Cussegl federal refusa da far ina votaziun dal pievel per manar tras gieus olimpics il 2026 a Sion.
  • Tenor il Cussegl federal manca il temp per ina votaziun a l’urna.
  • En ina moziun che 61 cussegliers naziunals han suttascrit, aveva la cussegliera naziunala da la PS grischuna Silva Semadeni pretendì ina votaziun dal pievel.

Il Cussegl federal propona uss al parlament da refusar la moziun. Credits d'impegn vegnian suttamess al parlament en la furma d'in simpel conclus federal, scriva il Cussegl federal. E tals conclus na sajan betg suttamess al referendum.

RR novitads 14:00