Ils uvestgieus da Cuira, Basilea e Son Gagl realiseschan la sinoda mundiala che papa Francestg ha concepì. L’avertura uffiziala è stada oz a Son Gagl. La finamira è da discutar davart l’innovaziun da la baselgia. Sco emprim han cartentas e cartents il pled. Per vegnir a savair l'opiniun da cartentas e cartents datti sin l'entir mund ina retschertga online. En dus vegnan ils resultats discutads a la sinoda episcopala a Roma.
L’uvestg da Cuira Joseph Bonnemain ha clamà oz en quest connex la giuventetgna ad in inscunter a Nossadunnaun. Quella duaja metter en moviment – sco ina locomotiva – l’entir uvestgieu. En pli haja el ditg ch'ina baselgia en quella ch'ils augsegners cumondian saja ina baselgia penibla e nunnecessaria, citescha kath.ch News.