Siglir tar il cuntegn

Header

cuntegn

Sindicats cuntents Nov contract collectiv da lavur per scrinaris e scrinarias

A partir da l’onn che vegn datti puspè in contract collectiv da lavur – in GAV – per scrinarias e scrinaris. Sin quai èn ils sindicats e l’uniun svizra dals maisters scrinaris e fabricants da mobiglias sa cunvegnids. Ils sindicats Unia e Syna èn cuntents cun il resultat.

Cun il nov GAV creschan las pajas minimalas per scrinarias e scrinaris diplomads per 1%, i dat ina meglra protecziun cunter la disditga per lavurants e lavurantas pli veglias. Plinavant datti sancziuns pli rigurusas envers manaschis che na sa tegnan betg vid las pajas prescrittas

Il nov GAV duai valair per il 2022 fin il 2025. Il vegl contract collectiv da lavur era scadì l'entschatta 2021 perquai che l’uniun svizra dals maisters scrinaris e fabricants da mobiglias haveva refusà il GAV surluvrà cun in model da prepensiun.

Ord l'archiv:

video
Datti avunda emprendistAs en la clamada da scrinari?
Or da Telesguard dals 04.11.2021.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga