La quota da dunnas en cussegls d’administraziun s’augmenta. Fin il pli tard en trais onns cuntanschia la quota da dunnas la marca da 30%. Quai rapporta la “NZZ am Sonntag”. La gasetta sa basa sin in’analisa da datas dal headhunter Guido Schilling.
Bunas schanzas
Tar las 200 grondas interpresas quotadas a la bursa, che ston ademplir la nova lescha fin 2026, manchian actualmain anc 114 commembras en ils cussegls d’administraziun. Las dunnas hajan anc mai gì uschè bunas schanzas da daventar commembra d'in cussegl d'administraziun sco ils proxims tschintg onns.
Ord l'archiv
Dovri quotas per promover dunnas u betg? Ina dumonda che sparta era l’opiniun da las dunnas sezzas. Annabella Cardone è presidenta dal «Career Women’s Forum» ed è en il management dad IBM Europa.
audio
Mezdi: Quota da dunnas en ils cussegls d'administraziun
ord Actualitad dals 14.06.2018.
laschar ir. Durada: 3 minutas 42 Secundas.
